Pavarësisht se mund të konsiderohet një javë e qetë sa i përket hyrjeve të reja, gjatë kësaj javë ka patur disa ndryshime në pozicionimin e këngëve në klasifikim. E këtu e kemi fjalën tek pozicionimi në Top 5.
Kreu i javës edhe këtë herë ka mbetur i njëjtë, me Gjestin sërish në vend të parë me “Princesh”. Kjo është java e dytë radhazi që kjo këngë nuk ndryshon pozicionim, që nga hyrja në “The Top List”.
Në vend të dytë renditet Dafina Zeqiri dhe Shpat Deda me “Natën”, me një vend më lart nga java e kaluar. Në vend të tretë për këtë javë pozicionohet Rozana Radi me “Vetes”, me 13 vende më lart në listë nga hera e kaluar.
Në vend të katërt renditet Yll Limani me “Dje”, me dy vende më poshtë nga java e kaluar. Top 5 e mbyll Redon Berani me “Boll mo”, me plot 29 vende më lart nga java që lamë pas.
