Rina Balaj është një nga talentet më të reja të muzikës moderne shqiptare. Edhe pse ka pak kohë që ka dalë në treg, Rina është shndërruar menjëherë në qendrën e vëmendjes.
Ajo bëri debutimin e saj në muzikë në dhjetorin e vitit 2017-të , duke ardhur me një bashkëpunim me Endrin, i cili i përkiste një tjetër zhanri muzikor nga ai që po e shohim së fundmi.
“1 Janari” titullohej kënga e parë e Rinës, një këngë e zhanrit “R&B”, i cili sipas këngëtares ka qënë thjesht një eksperiment. Por Rina vendosi të provonte një tjetër rrymë muzikore, pikërisht “rap”, tek i cili gjeti më shumë veten. Kënga me të cilën Rina arriti një sukses të jashtëzakoshëm, ku bëri dhe debutimin e saj si repere, është bashkëpunimi i saj me Feron, “Ska Konkurenc”
Rina në fakt ka bërë shkollën e muzikës dhe e kënduara e saj ka qënë klasike nëpër kisha dhe koncerte të vogla por bukuroshja tashmë ka ndërruar stil dhe është shndërruar në reperen më të preferuar të publikut shqiptar. Ajo është nën menaxhimin e shtëpisë diskografike “On Records”.
