Luiz Ejlli dhe Donald Veshaj janë ndoshta personazhet më të komentuar në publik. Duke menduar për këtë, ne gjetëm një të përbashkët mes dy artistëve…
Shumë i përfolur nga banorët e tjerë të shtëpisë më të famshme në Shqipëri, Luiz Ejlli ka spikatur disa herë dhe ka arritur të rrëmbejë gjithmonë vëmendjen e publikut. Edhe pse kishte vite i shkëputur nga muzika, ai vendosi të krijojë një projekt, së bashku me producentin Elgit Doda, brenda mureve të shtëpisë.
“Me ty” ka thyer çdo rekord në klasifikimin e ”The Top List”. Kjo këngë ka arritur që të qëndrojë në vend të parë të listës prej plot 8 javësh radhazi.
Nga ana tjetër kemi dhe Donald Veshaj. Gati një vit më parë, edhe ai njësoj si Luizi ishte konkurrent në ”Big Brother VIP”.
Donaldi ka qenë gjithashtu një nga personazhet më të komentuar në publik dhe me shumë fansa. Por në ndryshim nga Luizi, Donaldi vendosi që të publikonte projekte muzikore pas daljes së tij nga “BBV”, jo brenda shtëpisë.
Dy djemtë (më të pëlqyer të publikut) kanë dhe një tjetër të përbashkët… Këtë javë ata pozicionohen të dy në Top 5 të klasifikimit të ”The Top List”. Luizi vazhdon të kryesojë listën, teksa Donaldi renditet në vend të tretë.
