Emocionet më të ndjera vijnë këtë javë në “The Top List” nga Elvana Gjata dhe Cricket. Dyshja vijnë në klasifikimin e kësaj jave me “Sherrin”, një projekt që sjell në fokus emocionet e forta, mallin dhe vështirësinë për të harruar një dashuri që ka lënë gjurmë.
Me një atmosferë plot ndjesi, kënga të çon te ato momente kur zemra nuk arrin të shkëputet nga e shkuara, kur kujtimet rikthehen dhe mungesa e dikujt ndihet më shumë se kurrë.
“Sherrin” prek pikërisht këtë kontrast, dëshirën për të harruar dhe pamundësinë për ta bërë këtë. Është ajo ndjesia kur përpiqesh të vazhdosh përpara, por kujtimet të kthejnë vazhdimisht pas.
“Sherrin” është për ata që kanë dashur fort, janë lënduar dhe ende mbajnë brenda vetes diçka që nuk është shuar. Sepse ndonjëherë, fundi i një marrëdhënieje nuk është fundi i ndjenjës. Është vetëm fillimi i një beteje të heshtur me veten.
