Redon Berani sjell një tjetër hit në listë. “Shqiponjat” është projekti i tij i ri që hyn në klasifikimin e javës të “The Top List”.
Kënga “Shqiponjat” nga Redon Berani është një këngë mjaft ritmike dhe që ndërthur disa elementë. Me një melodi të fuqishme, kënga i kushtohet shqiptarëve dhe simbolit tonë më të njohur, shqiponjës.
Redon Berani, me zërin e tij të fuqishëm dhe emocionues, e përcjell këtë ndjenjë me sinqeritet dhe pasion. Ai arrin të bashkojë ritmin modern me një tekst të thellë e domethënës, duke e bërë këngën tërheqëse sidomos për brezin e ri.
