Kombinimi i modernes dhe klasikes vazhdon të jetë një aspekt që po pëqafohet shumë nga asrtistët shqiptarë dhe jo vetëm. E pikërisht një këngë e tillë me këto elementë vjen në listën e kësaj jave të “The Top List”.
Big Basta, Lyrical Son dhe Mc Kresha kanë bashkuar forcat për të sjellë “T m’ke braktis”, një këngë që ka thyer rekorde tek publiku që në çastet e para të publikimit. Votat e shumta të audiencës, e kanë pozicionuar “Ti m’ke braktis” menjëherë në vend të dytë për këtë javë.
E veçanta e kësaj kënge qëndron në frymëzimin e saj nga një klasik i paharrueshëm i muzikës shqiptare, “Kur gjethet bien në vjeshtë” i Rudolf Stambollës. Kjo ndërthurje mes elegancës poetike dhe ndjeshmërisë melankolike, ka shërbyer si bazë për një version të ri të rap-it modern nga artistët tanë.
“Ti m’ke braktis” ka tërhequr goxha vëmendjen e publikut dhe është për t’u vlerësuar ky bashkëpunim kaq i arrirë i reperëve. Bravo çuna, meritoni notën 10!
