Donat Prelvukaj, i njohur për publikun shqiptar si Cricket është një ndër producentët më të sukssesshëm shqiptar dhe këtë e vërtetojnë bashkëpunimet e shumta me artistë mjaft të njohur.
Donati, i cili ka studiuar në Fakultetin e Komunikimeve Masive, dega Produksion, është themeluesi dhe menaxheri i studios muzikore, “Cricket Music”.
Përvec punës me artistë të mëdhenj, i cili numëron disa produksione të suksesshme si “Sjena Mo” e Majk dhe Ghetto Geasy dhe “BonBon” të Era Istrefi, Donat ka sjellë së fundmi disa projekte muzikore në bashkëpunim me Numen si “Kthema Kohen”, “Me Fal” dhe “Mesazhi”.
Producenti ka zgjedhur të paraqitet me emrin artistik Cricket duke u krahasuar me melodinë e gjinkallës dhe ai dëshiron që muzika e tij të dëgjohet kudo sikurse tingulli që ato lëshojnë.