Javën e kaluar publiku u njoftua se “Portokalli” do të vinte me praninë e Luiz Ejllit. Ashtu siç dhe ishte paralajmëruar, ai ishte i ftuari special i shfaqjes të së dielës në shfaqjen më të ndjekur të humorit.
Teksa shumë mund të prisnin që Luizi do të këndonte, në fakt ai i surprizoi të gjithë kur erdhi në rolin e aktorit. Artisti solli një stand up, si dhe një rol së bashku me Kiara Titon, partneren e tij.
Pavarësisht se Luizin e kemi parë shpesh duke bërë humor, si në shtëpinë e “Big Brother VIP 2” e po ashtu në intervista, kjo është hera e parë që ai e sfidon veten në një rol në skenën e humorit. Por si e priti publiku këtë debutim të tijin?!
Nisur nga komentet në faqen zyrtare të “Portokalli”, pjesa dërrmuese e audiencës e ka pritur mjaft mirë këtë performancë të tijën. Me mijëra pëlqime e qindra komente në videon e tij, fansat kane shprehur se sa i kishte munguar ai ekranit.
