Këngëtarja e njohur shqiptare Bleona Qereti ka prezantuar projektin e saj më të ri muzikor. “Boy Gone Bad” e sjell atë këtë javë në klasifikimin e “The Top List”.
Kjo këngë vjen pak muaj pas “Stani”, një këngë që u bë menjëherë hit. E në fakt dhe “Boy Gone Bad” nuk mbetet aspak mbrapa.
Kjo këngë vjen e shoqëruar me një videoklip tepër modern ashtu siç vetëm Bleona di të sjellë. Bleona Qereti njihet për personalitetin e saj të guximshëm, imazhin magjepsës dhe performancat dinamike.
E këtë nuk kishte si të mos na e tregonte edhe tek “Boy Gone Bad”. Me një këngë mjaft ritmike dhe plot energji, Bleona i ngriti mjaftueshëm temperaturat këtë javë.
Fundja nuk mund të prisnim më pak nga kjo artiste kaq unike sa ajo. “Boy Gone Bad” pozicionohet në vend të 32-të momentalisht.
