David Dreshaj surprizon sërish! Nëse po mendonit se këtë periudhë vjeshte do të kishim një mbizotërim të baladave, ja që nuk ndodhi kështu.
Davidi ka ardhur këtë herë me një këngë mjaft ritmike. “Te Quiero-Je T’Aime” mban titullin projekti i tij i ri që ka hyrë këtë javë në klasifkimin e “The Top List”.
“Te Quiero-Je T’Aime”, ashtu siç kuptohet dhe nga titulli, është një këngë dashurie plot ritëm. Me këto fjalë romantike kaq të bukura, Davidi sjell shumë stil dhe ‘nxehtësi’ në këto ditë të freskëta vjeshte.
Edhe pse artisti kishte paralajmëruar se shumë shpejt do të vinte me një baladë, mesa duket do të duhet të presim dhe pak. “Te Quiero-Je T’Aime” pozicionohet në vend të 20-të për këtë javë.
