Kjo javë nuk ka sjellë shumë projekte të reja në listë. Teksa jemi njohur vetëm me dy hyrje të reja, ‘lufta’ më e madhe është tek projektet më të vjetra në klasifikim.
Renditja në Top 5 nuk ka pasur mjaft ndryshime nga java që lamë pas. Kreun këtë herë e ka marrë Vanesa Sono me “Një gotë”, me një pozicion më lart nga java e kaluar.
Por ‘beteja’ vazhdon po ashtu edhe për Top 10. Renditjen këtë javë e mbyll Hygi me “Fell”.
Kjo këngë është prej 10 javësh në klsifikim dhe nuk ka ndryshuar renditje nga java e kaluar. Por një hap larg kësaj renditje është dhe David Dreshaj me “A isha”. Me 7 pozicione më lart nga hera e kaluar, kënga renditet në vend të 11-të dhe është prej 5 javësh në klasifikim.
