Ajo ka kompozuar dhe ka punuar me artistë mjaft të njohur si Jennifer Lopez, Rihanna e shumë të tjerë, si dhe me disa nga producentët më me famë në Los Angeles. Po flasim pikërisht për Ada Verdin.
Gjithmonë ka punuar më shumë si kompozitore, por tani ka vendosur që të vijë dhe si këngëtare, duke e pasur pasion muzikën. Ashtu siç dhe kishte paralajmëruar më herët, Ada tashmë ka ardhur dhe me këngë në gjuhën angleze.
“Off my horse” mban titullin projekti i saj më i ri në anglisht që ka hyrë këtë javë në klasifikimin e “The Top List”. Dhe duhet thënë se Ada ia ka arritur që të na surprizojë sërish.
“Off my horse” është një këngë fuqizuese me një stil modern pop, ku Ada Verdi flet për ngritjen mbi sfidat dhe rimarrjen e forcës së brendshme. Me vokalin e saj të fuqishëm dhe refrenin tërheqës, kjo këngë frymëzon dëgjuesit të qëndrojnë të fortë dhe të vazhdojnë përpara.
