Ishte vera e vitit 2021 kur u njohëm me një hit të padiskutueshëm. “Nina” nga Bruno, Flori Mumajesi dhe Klajdi Haruni, u bë si kolona zanore e asaj vere.
Por ajo që ndoshta nuk do të na kishte shkuar mendja, është se sa do të rezistonte në kohë ky hit. E ja tek kthehemi tek surpiza e kësaj jave…
“Nina” e treshes fantastike dhe të pandashme të artistëve, ka arritur që të rrëmbejë fronin e “The Top List”. Para pak javësh, kjo këngë rihyri në klasikifikim pas 3 vitesh publikimi, e në fakt ishte thjesht çështje kohe që buja të vazhdonte e të rritej.
“Nina” na la të gjithëve pa fjalë me këtë rekord të ri. Pas një vere shumë të suksesshme në vitin 2021, projekti po vazhdon edhe sot të bëjë histori në klasifikimin e “The Top List”.
