E ftuar në “Live From Tirana” me Ronaldo Sharkën, ka qenë një këngëtare e re e tregut, por me një talent të madh, Sonia Vokopola. Ajo ka folur më shumë për projektet e saj të fundit, çfarë pritet së shpejti, si dhe shumë të pathëna të tjera…
A është e vështirë të bësh muzikë në një treg si Shqipëria?
Është e vështirë të bësh muzikë të mirë në Shqipëri, por njeriu duhet të bëjë më të mirën e vet. Rëndësi ka pasioni për të bërë gjënë që do.
Ka qenë gjithmonë në planet e tua muzika?
Muzika ka qenë një plan i dytë i jetës sime. Jam marrë me çdo gjë tjetër përveç muzikës. Por dalëngadalë njeriu zbulon veten dhe kupton se çfarë do.
Si ka qenë impakti i publikut tek arti yt?
Është mënyra më e pastër të bësh diçka, pa pritur gjë mbrapsht. Nuk e kam nisur për të pritur diçka mbrapsht. Kam qenë me fat sepse më ka ardhur suporti nga njerëz që kanë ditur ta vlerësojnë vërtet artin tim. Fati im është që po bashkëpunoj me më të mirët.
Ke pasur ndonjëherë strategji për të sjellë muzikën tënde, duke parë situatën në treg?
Nuk funksionoj me strategji, por energji. Ka pak vështirësi për ta kapur, por energjia e mirë gjendet. Do doja të arrija ditën të bëj një koncert timin, për ta arritur do punoj pafund, do bëj material pafund. Është diçka që më del nga shpirti.
Cilët do të konsideroje si artistët më të mirë shqiptarë?
Si diamantë të industrisë, do të veçoja Alban Skënderaj dhe Miriam Cani. Kemi dhe Yll Limanin, Dafinën që janë artistë shumë të mirë. Përveç se me Albanin dhe Miriamin, do doja shumë një këngë me Yll Limanin.
Me çfarë je duke punuar momentalisht?
Kam disa projekte në dorë për momentin. Akoma nuk kam zgjedhur se kë do të nxjerr, por kam një këngë me Alban Kondin dhe mezi po pres që të dalë.
Çfarë kënge do t’i dedikoje banorëve të “Big Brother VIP 4”?
Për Eglin e kam gati këngën. Është kënga ime “Po ti s’e di”, është momenti perfekt. Unë kam qenë në pozitën e Eglit. Kjo këngë është shkruar sepse unë kam qenë në një pozitë si Egli, ai nuk ma kthente mbrapsht dashurinë.
Si përfundoi kjo histori?
Përfundoi siç po ndodh tani në “Big Brother” po ta shohësh, që ajo po përpiqet e po përpiqet e po përplaset me një mur. Dhe mendoj se dhe këngët prandaj vijnë, se nuk ke kujt ia thua, nuk ia thua dot personit. E vuan, sepse njeriu kur do sinqerisht, është e vështirë ta tërheqësh mbrapsht.
E gjykon ti veten për këtë periudhë që ke qenë si Egli?
Jo, sepse më tregoi që mund të dua shumë dhe pastër. Më tregoi më shumë për veten time. Çdo situatë të mëson për veten. Nuk ka rëndësi sa lëndohesh, sa gjëra ndodhin, çdo situatë të mëson për veten tënde.
