Sonia Vokopola vjen tashmë me projektin e saj të dytë. “Po ti s’e di” mban titullin kënga e saj e re që ka hyrë këtë javë në klasifikimin e “The Top List”.
“Po Ti S’e Di” e Sonia Vokopola është një këngë romantike, ku këngëtarja tregon pasigurinë dhe dyshimin në një marrëdhënie, duke i drejtuar pyetje partnerit për ndjenjat e tij dhe për atë që ai ka ndërmend. Në këtë projekt ajo vjen me tone të ndjera, e herë herë melankolike.
Megjithatë, në ndryshim nga projekti i kaluar “Ti je”, këtë herë Sonia ka ardhur më me ritëm, edhe pse një këngë dashurie. E në fakt ky kombinim i shkon asaj kaq shumë.
“Po ti s’e di” e risjell artisten e talentuar në listë pas 14 javësh nga projekti i saj i parë. Aktualisht kënga e re renditet në vend të 99-të, ndërsa “Ti je” pozicionohet në vend të 59-të.
