Noizy ka sjellë për fansat projektin e tij më të ri muzikor, “Brown Skin Girl”, një bashkëpunim ndërkombëtar me artistin e njohur egjiptian, Mohamed Ramadan. Kënga po tërheq vëmendje të madhe falë ritmit energjik dhe kombinimit të stileve muzikore mes dy artistëve.
Noizy prej kohësh ka treguar se di të krijojë projekte që kalojnë kufijtë shqiptarë, ndërsa Mohamed Ramadan konsiderohet një nga emrat më të njohur në industrinë muzikore arabe. Bashkimi i tyre në “Brown Skin Girl” shihet si një hap i rëndësishëm drejt një audience edhe më të gjerë.
“Brown Skin Girl” vjen si një ndërthurje e ritmeve moderne urbane me elemente orientale dhe verore. Projekti synon tregun ndërkombëtar dhe shënon një tjetër hap të rëndësishëm për Noizyn në zgjerimin e bashkëpunimeve jashtë trojeve shqiptare. Fansat kanë reaguar menjëherë pozitivisht në rrjetet sociale, duke e cilësuar këngën si një nga projektet më të nxehta të sezonit.
