Këngëtarja e njohur Sheila Haxhiraj, ka publikuar pak kohë më parë këngën e saj më të re. “Pourquoi” mban titullin projekti i saj i cili ka hyrë këtë javë në klasifikimin e “The Top List”.
Kujtojmë se kënga e saj e fundit në listë ka ardhur disa muaj më parë, pas një periudhe të gjatë mungese. Ishte projekti “Ëndërr” që e riktheu atë sërish pas gati dy vitesh që nuk ishte pjesë e listës.
E tani vijmë tek “Pourquoi”. Edhe ky i fundit njësoj si “Ëndërr”, janë goxha të ngjashëm me njëri-tjetrin.
Sheila ka ardhur sërish me një projekt mjaft të ndjerë, por dhe me një klip shumë interesant dhe të arrirë, plot me ngjyra. “Pourquoi” e ka pozicionuar këngëtaren në vend të 80-të aktualisht.
