Rina është padyshim një nga reperet më të dashura për publikun në tregun shqiptar. Këngëtarja kohët e fundit nuk është ndalur me projekte të reja.
Së fundmi ajo ka publikuar këngën e saj më të re të titulluar “Mia”, këngë kjo mjaft ritmike. “Mia“, është pjesë e albumit më të ri të reperes, me titull “Balerina”, i cili është publikuar i plotë të martën.
E shoqëruar me videoklip mjaft interesant dhe artistik, “Mia” vjen me melodi dhe tekst të krijuar nga vetë Rina. Këngëtarja nuk i ka kursyer aspak pozat joshëse në këtë projekt.
Para “Mia”, Rina erdhi në klasifikim me “Addiction”, një këngë me ritme më të buta, por që i shkonte kaq shumë asaj. Teksa “Addiction” është prej 8 javësh si pjesë e klasifikimit të “The Top List”, ne pyesim veten se a do të arrijë “Mia” të qëndrojë gjatë në listë?
Gjasat janë që po, pasi çdo projekt i Rinës pritet gjithmonë mirë nga publiku, por na mbetet që të presim e të shohim si do shkojë rrugëtimi i saj. Momentalisht “Mia” renditet në vend të 96-të të klasifikimit të “The Top List”.
