Visar Shala apo ndryshe Skivi, njihet si një nga reperët më të mirë dhe më të pëlqyer në trojet shqiptare. Kohët e fundit ai na kishte munguar gjatë.
Reperi i njohur shqiptar, Skivi, gjatë viteve të fundit ka bërë paksa një tërheqje nga muzika. Por duket se tashmë ai po rikthehet mjaft fuqishëm.
Ai ka qenë shumë i pëlqyer në fillimet e karrierës duke qenë se ka realizuar një sërë hitesh të mëdha si pjesë e “Skillz” bashkë me Ledri Vulën.
Skivi prej vitesh ishte shkëputur edhe nga BabaStars, ku madje asokohe tregoi se kishte hatërmbetje me disa nga anëtarët.
Por tashmë Skivi po kompenson gjithë kohën e humbur. Artisti ka sjellë së fundmi këngën e tij më të re që mban titullin “Palaço”.
Ky hit i ri i rij e rikthen atë në klasifikimin e “The Top List” pas një periudhe goxha të gjatë. E kjo këngë sjell reperin me stilin e tij karakterstik që na ka bërë për vete prej vitesh.
Skivi në “Palaço” vjen me një mesazh të drejtpërdrejtë me një qasje autentike dhe të fortë. Projekti i ri i Skivit renditet momentalisht në vend të 99-të të listës.
