Kanita, vajza 15-vjeçare nga Shkupi, ka vetëm pak kohë që ka sjellë në treg këngën e saj më të re të titullar “Don’t Let Me Go”.
Që në javën e parë të publikimit, ajo është bërë menjëherë pjesë e klasifikimit të “The Top List”, duke u pozicionuar në vendin e 18-të, një pozicion ky mjaft i rëndësishëm për Top Listën prej 50 këngësh.
Por për këtë javë, Kanita ka thyer rekord. Ajo është ngjitur me 14 pozicione dhe është renditur në vendin e 5-të, duke u bërë kështu kënga që ngjitet me më shumë pozicione në “The Top List” për këtë javë.
“Don’t Let Me Go”, e cila është punuar dhe masterizuar në Paris, është pritur mjaft mirë nga publiku dhe këtë gjë e tregojnë votat në topawards.top-channel.tv, duke bërë që ajo të kapë majën e klasifikimit.
