‘Artileria e rëndë’ zbret në klasifikimin e kësaj jave të “The Top List”. Dy artistë të mëdhenj e shumë të dashur për publikun vijnë në listën e javës me projektet e tyre.
Po flasim për Capital T dhe Noizy. Dy artistët kanë ardhur me dy bashkëpunime të reja brenda javës.
Noizy ka bashkuar sërish forcat me Yll Limanin për të sjellë “Netët e vona”, e nga ana tjetër Capital T së bashku me Ukay sjellin “One and only”. Të dy bashkëpunime të suksesshme e që morën vëmendjen e publikut.
Por kë pëlqeu më shumë publiku?! Bazuar në votat e tyre për këto dy projekte të reja të javës, “Netët e vona” nga Noizy dhe Yll Limani, është pozicionuar më lart, në vend të 25-të të listës, teksa “One and only” nga Capital T dhe Ukay renditet në vend të 34-të.
