“Big Brother VIP Albania” është një fenomen social që mbërthen fort jo vetëm vëmendjen por edhe debatin publik. Prej datës 21 Dhjetor në Top Channel ka nisur edicioni i katërt i këtij reality show kaq shumë të ndjekur.
Ajo që ndodh në shtëpinë e “Big Brother VIP”, padyshim që është më e ndjekura e më e komentuara në rrjetet sociale, si edhe në jetën e përditshme. Sigurisht që VIP-at i përkasin fushave të ndryshme të artit dhe televizionit, dhe nuk kishin si të mungonin këngëtarët.
Këtu përmendim Tiri Gjoci, Rozana Radi, G-Bani, Jozi, si dhe Gjesti. E pikërisht tek këta dy të fundit do ndalemi pak.
Duket sikur dyshja kanë shprehur dëshirën që të bëjnë një këngë së bashku brenda “Big Brother VIP”. Të dy ata kanë filluar të këndojnë fillimisht melodinë dhe më pas filluan të bëjnë plane për tekstin e këngës, që do ta këndonin para banorëve të tjerë.
Nëse kjo ide e tyre çohet deri në fund dhe realizohet, do të ishte diçka mjaft interesante. Tashmë jemi gjithë sy e veshë për një projekt të ri muzikor prej Gjestit dhe Jozit!
