Ruensa Haxhia, e njohur si Enca Haxhia apo thjesht Enca, ka lindur në Tiranë, në vitin 1995. Edhe pse askush nga familja e saj nuk ishte pjesë e industrisë së muzikës, ajo nisi të këndonte që në moshë të vogël dhe kishte ide të qarta, që një ditë do të bëhej këngëtare.
Ajo ka bërë paraqitjen e saj të parë publike në moshën 9-vjeçare, në festivalin e fëmijëve si dhe ka marrë pjesë në shumë talent-show për të rinjtë. Në moshën 13-vjeçare, nisi të merrte mësime për muzikën dhe pianon. Përveçse studionte muzikë apo aktivitete të tjera, ajo kurrë nuk hoqi dorë në studimet në shkollë dhe universitet, ku ishte një studente e shkëlqyer.
Në moshën 16-vjeçare, ajo publikoi këngën e saj të parë, “The Best of”, e cila u pasua nga shumë këngë dhe videoklipe, duke u shndërruar nga një ndër këngëtaret më të preferuara të tregut muzikor shqiptar.