Visjan Ukcenaj rikthehet sërish në listë, këtë herë me një këngë solo. “Jepi gaz” është projekti më i ri i artistit që ka hyrë në klasifikimin e kësaj jave të “The Top List”.
Kjo këngë vjen pas bashkëpunimit të tij me Akilin, “Benz”, të sjellë disa muaj më parë. “Jepi Gaz” nga Visjani është një këngë plot ritëm dhe energji dhe i shkon më së miri stilit të tij.
Ky projekt e ka pozicionuar artistin menjëherë në Top 20, e më saktësisht në vend të 19-të. “Jepi gaz” vjen në prag të sezonit të 43-të të show-t “Portokalli”, e duket se do të jetë një hajmali fatsjellëse për të.
Spektakli më i madh i humorit në historinë e skenave dhe televizioneve shqiptare, ka sjellë 42 sezone spektakolare, me përvojën, energjinë dhe freskinë e tij, duke garantuar sukses të padiskutueshëm.
Mbi 1000 shfaqjeve ndër 20 vite dhe mijëra e mijëra orëve, mbushur me të qeshura dhe duartrokitje, 42 sezone kanë sjellë simbolikën e madhe të semaforit ngjyrë portokalli, i cili prej vitesh na mban në dilemën e ndalimit apo të ecjes përpara.
Aktorëve më të shquar të humorit shqiptar i janë bashkuar emra dhe personazhe të rinj, që me batutat dhe historitë e tyre, janë bërë pjesë gazmore. Në skenën dhe ekranin e Top Channel ndodh e qeshura! 43 Ditë, 43 sezone të jashtëzakonshme “Portokalli”!
