E ftuar në emsionin “Pardon My French” me Jonida Aliçkolli dhe Arbër Çepani ka qenë artistja e mirënjohur Ronela Hajati. Ajo foli më shumë rreth projekteve të saj të fundit, këngët që priten të dalin të reja dhe disa momente epike nga karriera e saj disa vjeçare.
Ajo ka përfaqësuar Shqipërinë në Eurovision 2022 me një performancë elektrizuese të këngës “Sekret”, që edhe sot pas dy vitesh është himn i shumë festave dhe përcjell gjithmonë emocion pozitiv. Teksa jemi pak ditë larg festivalit të këtij viti ku përfaqësohemi nga Besa me këngën “Titan”, Ronela dha një përshtypje të sajën rreth rrugëtimit të kësaj të fundit.
Nesër kemi Besën. I urojmë shumë fat, shumë suksese. Mua më pëlqen shumë kënga. Më pëlqen versioni i ri në anglisht. Më pëlqen shumë. Është shumë europiane si këngë. Shumë e huaj. Ka vibe shumë nice. Mesazh shumë të mirë në tekst.
Si mendon ajo se do të shkojë performanca e saj?
Me aq sa kam parë unë, sepse unë e kam ndjekur dhe kam përshtypjen se nesër do të dalë shumë bukur. Kishte Creative Director (Drejtor Kreativ) shumë të mirë.
Çfarë i uron ajo Besës, që ndoshta nuk shkoi mirë me të?
I uroj të arrijë atë çka do ajo dhe unë i shkruajta edhe vetë dhe i thashë që mos e vrit mendjen fare për rezultatin se nuk ka fare rëndësi ajo. Se me thënë të drejtën Eurovision-in shqiptarët e ndjekin vetëm për Shqipërinë. Shohin këngën edhe e mbyllin. Nuk e shohin fare këngët e tjera.
Cilat janë planet e afërta të saj në industrinë muzikore?
Kam bërë ca materiale shumë të mira.
Do të ketë bashkëpunime me artistë të tjerë?
Unë po punoj në fakt në disa studio qoftë këtu ose në Prishtinë, në Kosovë. Po punoj me RedBox, me Bing Bang, me Apollo, me EngliVersal që është në studion e OTR. Madje kam, po e them sot, një këngë shumë nice që do ta kem me Englin dhe Crax që është DJ i Noizy-t. Ata nuk do të këndojnë aty, por janë pjesë e prodhimit të saj të lançimit. Është një projekt shumë i këndshëm për në verë. Pastaj kam një baladë që kam kohë që nuk kam bërë një baladë kaq baladë. Të gjitha janë për sezon. Është një këngë shumë e bukur. Domethënë nga ato këngët që mua më pëlqen edhe vetë. Ajo mund të jetë një bashkëpunim.
