Dy nga artistët më të dashur për publikun shqiptar, kanë bashkuar forcat dhe kanë sjellë bashkëpunimin më të ri në tregun muzikor. Bëhet fjalë për Melindën dhe Lumi B.
Reperja e njohur, Melinda Ademi, ka publikuar projektin e parë nga albumi i saj. Kjo këngë vjen në bashkëpunim me reperin e njohur Lumi B, e cila mban titullin “Eci” dhe ka hyrë këtë javë në klasifikimin e “The Top List”.
Me një ritëm energjik dhe një melodi tërheqëse, kënga flet për forcën dhe qëndrueshmërinë e një personi që ecën përpara, pa u ndalur, duke u përballur me sfida të jetës. Interpretimi i Melindës dhe Lumi B sjell një ngrohtësi dhe pasion që e bën këtë këngë të paharrueshme.
Përmes këtij albumi, artistja thotë se do të njohim një anë tjetër të saj, më ndryshe. Në vazhdim do të sjellë edhe këngët e tjera që janë pjesë e këtij albumi, në mesin e tyre edhe bashkëpunime. “Eci” pozicionohet në vend të 99-të për këtë javë.
