Marin vijon të vijë fuqishëm në “The Top List”. Këtë herë ai vjen me dy këngë të reja, një projekt solo “Trappin all day”, si dhe bashkëpunimin me Ish, “On Top”.
Marin duket se është i vendosur për të thyer rekorde. Artisti është thuajse çdo javë i pranishëm me hyrje të reja në listë duke na surprizuar gjithmonë.
Marin ka lançuar albumin e tij të parë që mban titullin “Peruan” dhe një pjesë e mirë e këngëve janë dhe pjesë e “The Top List”. E në fakt artisti ka thyer një rekord në listë.
Ai është aktualisht artisti me më shumë këngë njëkohësisht në klasifikim. Në projektet e tij numërojmë plot shtatë këngë paralelisht, duke u renditur saktësisht; “On Top” në vend të 30-të, “Luje” në vend të 32-të, “Foreign” në vend të 40-të, “Si vera” në vend të 41-të, “Money” në vend të 42-të, “Champagne” në vend të 47-të dhe “Trappin all day” në vend të 63-të.
