Në prag të publikimit të albumit “Plani A”, Lumi B ka publikuar projektin e tij të ri, të cilin e ka përshkruar si ndër më të preferuarit e tij. Bëhet fjalë për një bashkëpunim me këngëtaren Erda, të cilën ai e konsideron si një nga artistet më të talentuara dhe më “cool” me të cilat ka punuar ndonjëherë. Në një postim, ku paralajmëroi duetin, ai shkroi:
“Duhet ta ndiqni me patjetër Erdën, një nga këngëtaret më talentuara dhe më cool që m’ka ra me punu, dhe unë kam punu me pothuajse të gjithë. Shumë shpejt do e publikojmë këngën, një nga favoritet e albumit.”
Dhe ja ku jemi këtë javë ku dyshja prezanton “Killing them”, duke hyrë kështu në klasifikimin e “The Top List”. Por kush është Erda?
Erda Havalli është një muzikante e re dhe e talentuar me origjinë shqiptare, e cila tërhoqi vëmendjen në vitin 2023 për performancën e saj në shfaqjen gjermane “The Voice Rap”, duke interpretuar një këngë nga artistët e njohur Loredana dhe Noizy, “Heart Attack” dhe duke impresionuar jurinë. Performanca e saj elektrizoi skenën dhe tërhoqi gjithashtu vëmendjen e jurisë. Erda ka mundur të bindë dy juristët e njohur të cilët u kthyen në të njëjtën kohë. Pas kësaj eksperience, Erda u fokusua në mënyrë profesionale në muzikë. Ndër projektet e saj më të njohura përmendim “Drop body”, “Ay Ay Ay”, “Whine”, apo “Vorbei”.
