Rikthehet në “The Top List” pas një periudhe mungese Julio Imeri. Artisti ka publikuar së fundmi projektin “Bosh”, që e sjell atë këtë javë në klasifikim.
Julio e kishte paralajmëruar prej pak kohësh këtë këngë të re dhe momenti më në fund erdhi. “Bosh” është një reflektim i qetë por i thellë mbi zbrazëtinë që lë mungesa e një njeriu të dashur.
Kënga përçon një ndjenjë heshtjeje emocionale përmes zërit të tij të butë dhe melodisë minimaliste. Teksti është i thjeshtë, por i fuqishëm, duke shprehur ndjenjat e humbjes dhe dëshpërimit.
Ky lloj teksti është i njohur për Julio Imerin, i cili ka trajtuar tema të ngjashme edhe në këngë të tjera si “Ishim Gjithcka”. Me një kombinim të tekstit të fuqishëm, muzikës emocionuese dhe një interpretimi të ndjerë, “Bosh” është një dëshmi e talentit dhe angazhimit të Julio Imerit në muzikën shqiptare.
