Irkenc Hyka dhe Aurela Gaçe bëhen bashkë për të sjellë këngën më të ndjerë të momentit, që mban titullin “Pa jetë”. Dy artistët sjellin një baladë të ndërtuar mbi dhimbjen, mungesën dhe boshllëkun që mbetet pas një dashurie të humbur.
Që në notat e para, ndjesia e boshllëkut dhe dhimbjes të kaplon ngadalë, sikur artistët rrëfejnë një histori që e ke jetuar edhe vetë, diku, dikur. Ajo që e bën këngën të veçantë është mënyra se si zërat e tyre ndërthuren, Irkenci me timbrin e tij të butë dhe të brishtë, ndërsa Aurela me fuqinë dhe intensitetin karakteristik.
Teksti i këngës përçon ndjenjën e një lufte të brendshme, ku personazhet kërkojnë përgjigje dhe përpiqen të gjejnë veten pas një plagë që ende nuk është shëruar. Melodia mbështet në mënyrë perfekte këtë emocion, duke krijuar një atmosferë kaq të ndjerë.
“Pa jetë” është një këngë që jo thjesht dëgjohet, por përjetohet. Pa dyshim, një projekt që ka lënë gjurmë tek dashamirësit e muzikës shqiptare.
