Artisti i njohur Bardhi ka publikuar së fundmi projektin e tij më të ri muzikor, një EP të titulluar “Terapi”. Ky lançim vjen si një dhuratë për ndjekësit e tij besnikë, duke sjellë një frymë të re dhe tekste mjaft emocionale, ashtu siç vetëm Bardhi di të përcjellë.
EP-ja përbëhet nga pesë këngë të reja. Titujt që përfshihen në këtë projekt janë “Anxhelina”, “U dorezove”, “Ajo mo nuk m’foli”, “Gaboj” dhe “Nuk e meritoj”.
Ky album shënon një tjetër kapitull të rëndësishëm në karrierën e artistit, duke sjellë këngë që reflektojnë stilin dhe ndjeshmërinë e tij karakteristike. Listës së kësaj jave i bashkohet “Nuk e meritoj” duke u pozicionuar në vend të 78-të aktualisht.
Të gjitha këngët tashmë janë të disponueshme në platformën YouTube, megjithëse pa klipe zyrtare, duke lënë që fokusi të jetë tërësisht tek muzika dhe mesazhi që përcjell secila prej tyre.
Në këto projekte, Bardhi vazhdon të qëndrojë besnik stilit të tij muzikor, duke kombinuar elemente emocionale me tekste personale dhe melodi që prekin temat e dashurisë, zhgënjimit dhe reflektimit shpirtëror.
Nga titujt dhe estetika vizuale e projektit, vërehet një rrymë melankolike dhe personale. Çdo këngë duket se trajton tema të ndjeshme të dashurisë dhe përjetimeve të brendshme, duke u qëndruar besnik motiveve që e bënë Bardhin një nga emrat më të dashur të muzikës moderne shqiptare.
