Sheila Haxhiraj e lindur më 20 nëntor 1993 në Tiranë, është një këngëtare dhe autore shqiptare e njohur. Pas një rrugëtimi të gjatë muzikor, në moshën 18-vjeçare, Sheila Haxhiraj fitoi vendin e parë në garën muzikore të “X-Factor Albania” në TV Klan, garë në të cilën morën pjesë rreth 5 mijë konkurrentë. Ky çmim i rëndësishëm, i dha mundësi Sheilës të nënshkruante një kontratë me producentë si “Berman Brothers” dhe ndoshta jeta e saj tani do ndryshojë përfundimisht.
Sheila nuk ka studiuar ndonjëherë muzikë me mësues, por që e vogël ka rendur skenave të muzikës në shumë konkurse midis shkollave 8-vjeçare, tek “Gjeniu i vogël”, “Promozone festival”, protagoniste në filmin “ Fluturim Pasioni” në moshën 16-vjeçare. Në vitin 2013, Sheila Haxhiraj lançoi videoklipin e saj të parë muzikor me këngën “Veç fillimi”. Në të njëjtin vit, ajo debutoi në “Kënga Magjike” me këngën “Ndjej”, të cilën ajo e shkroi dhe kompozoi.
