Sot e ftuar në emisionin “Live from Tirana” ishte e ftuar këngëtarja Sheila Haxhiraj për të folur më shumë rreth albumit të titulluar “Astral”. Pse e ka quajtur kështu albumin Sheila?

Astral janë njerëz që udhëhiqen nga ana emocionale. Unë kam ujëra herë të qetë, herë të turbullt dhe atë çfarë përjetoj me veten time kam dashur t’ja vendos “Astral” albumit. Çdo këngë ka pikën emocionale, atë që çfarë dua unë të shpreh.

Le të flasim pak për këngët e albumit. Pse kënga është titulluar “Më e mira” dhe si lindi?

“Më e mira” lindi sepse me producentin ajo është kënga e parë që nis%m dhe ishte dashuri me dëgjim të parë. Menduam ta lëmë “Më e mira” sepse ishte një ogur i mbar për nisjen e albumit.

Nga këngët deri më tani, cila është më e mira? Ku fle energjia e Sheilës?

Këngët e mia i kam si gishtat e dorës, i kam si fëmijët e mi. Në gjendjen që jam tani do të thoja ‘Uh sa vapë’ se është edhe kënga e fundit që kam publikuar.

Kujt do i thonte Sheila ‘je më e mira’?

I them e para vetes dhe ekipit tim që më janë dedikuar shumë në rritjen time profesionale.

Nga erdhi frymëzimi për “Uh sa vapë”?

Këtë këngë ia kam besuar mikut tim, kënga është solare dhe energjike, fiks për periudhën e verës.

Në klip janë marrë sekuenca nga klipe të kaluara, xhirime që nuk janë parë. Pse kjo zgjedhje?

Donim të bënim diçka ndryshe dhe tham pse mos bëjmë diçka shumë reale? Unë i dua gjërat reale që artisti të shikohet edhe nga një aspekt tjetër. U menduam të bënim këto pjesë të momenteve. Unë kam një jetë të mbushur me lumturi dhe dashuri. Kam miq ndër vite që punoj me ta dhe kam shumë momente të dokumentuara dhe tham pse mos t’i bëjmë. Është 100% reale çdo gjë në atë klip.

Pritshmëritë për “Uh sa vapë” para dhe pas publimit?

Secili artisti ka pritshmëri të larta thjesht ka pak ditë që ka dalë dhe çdo produkt do kohën e vet sa të arrijë në veshin e masës. Është në hapa të mirë, kam marrë komente pozitive si për këngën ashtu edhe për klipin.

Ndërkaq, me kë ruan miqësi Sheila nga kasti i “BBV”?

Pothujse me të gjithë. Kledi është suportues, të paktën ndaj punës time, ruaj marrëdhënie të mirë shoqërore me të. Me të gjithë kam ruajtur marrëdhëniet e mira por me asnjërin nuk jemi bërë miq të ngushtë thjesht kemi ruajtur dashamirësinë dhe respektin.

Sa do të jenë këngët në këtë album?

Mendoj dhe po projektojmë që të kemi edhe një këngë tjetër verore dhe pjesa tjetër e albumit mund të jetë nga periudha nëntor-dhjetor. Do të jenë 5-6 këngë ndërsa gjatë verës mund të nxjerrim edhe një këngë tjetër. Do të ketë duete dhe bashkëpunime në këtë album, por do t’ja lë pjesës së dimrit.

Projektet e ardhshme të Sheilës?

Pas kaq vitesh kam një rikthim te “Kënga magjike”. Është një nga ato këngë që kam dhënë shpirtin, është një dedikim personal. Do të jem gjithashtu dhe pjesë e një formati televiziv që ka të bëjë me kërcim dhe më këngë gjithashtu por që nuk po flas më shumë.