Ricky Haydari Akdogan, i njohur ndryshe si Ricky Rich, është një reper suedez, i cili jeton në Västerås. Prindërit e tij janë nga Mardini i Turqisë.
Ricky Rich bashkëpunoi me Aram Mafia dhe producentët Peter Mrad dhe Marcus Turan, duke rezultuar në një numër të madh hitesh dhe këngësh në vitin 2018 dhe 2019. Më i njohur ishte ‘single’-i “Habibi” që u bë një hit ndërkombëtar për formacionin Ricky Rich & ARAM Mafia, duke u luajtur në Gjermani, Austri, Zvicër, si dhe në Suedi, dhe duke u dëgjuar shumë në shumë stacione të tjera radiofonike skandinave dhe evropiane.
Më 12 Prill 2019, Ricky Rich dhe ARAM Mafia publikuan albumin “Shhh” në labelin Spinnup që përmban shumë hite të përbashkëta, veçanërisht këngën mr të njëjtin titull, “Shhh” dhe këngën “Richba”. EP me 7 këngë arriti kulmin në vendin e tretë në tabelën suedeze të albumeve më të mira dhe qëndroi 21 javë aty.
Ricky Rich vijoi me EP-në e tij solo “Highs and Lows” me 6 këngë të lançuara në Warner Music Sweden, e cila arriti kulmin në javën e parë të publikimit në vendin e 7-të në tabelën suedeze të albumeve më të mira, ku qëndroi gjithsej 7 javë. Projekti “Sa më do” që erdhi në bashkëpunim me Bardhin, Dj Gimi-O dhe Ricky Rich, e solli këtë të fundit për herë të parë në mesin e artistëve të Top Awards.
