A do të jetë kjo kënga që do të na “torturojë” në javët në vazhdim?

2Ton ka vendosur ta sjellë verën shumë herët dhe kjo për shkak të publikimit të tij më të ri, të titulluar “Amore”.

Kjo këngë, muzikën dhe tekstin e së cilës e ka punuar vetë artisti, të sjell në mendje temperaturat e nxehta të verës, kërcimet në klubet verore ose teksa udhëton me makinë dhe e dëgjon me volumin në maksimum.

Pavarësisht se ende nuk e dimë arsyen se pse artisti ka vendosur ta publikojë pikërisht tani këtë projekt muzikor, një gjë është e sigurt, kjo do të jetë “tortura” e javëve në vazhdim.

“Amore” ka marrë mjaft komente pozitive për muzikën por nuk kanë munguar edhe kritikat në lidhje me videoklipin, ku sipas fansave është shumë i thjeshtë për një këngë ritmike si kjo.

Sugjerimet e shumta nga ana e publikut kanë bërë që kjo këngë të futet në listë që në javën e parë të publikimit, duke u pozicionuar në vendin e 95-të.