Një nga javët më të ngarkuara të këtij viti – deri më tani – ishte kjo në të cilën kemi hyrë. Plot 12 projekte janë votuar nga publiku në klasifikimin e ”The Top List”. E bashkë me to, kemi dhe disa hyrje të reja në mesin e artistëve të Top Awards. Ja se për kë bëhet fjalë…
Jericho është grup artistësh i njohur, muzika e të cilëve është një shkrirje midis rock, alternative, elektronike dhe muzikës tradicionale etnike shqiptare, karakteristikë për rajonin e Kosovës dhe Shqipërisë së Veriut. Jericho është një grup nga Prishtina, i formuar në vitin 1997. Antarët e grupit jane: Petrit Çarkaxhiu – Vocal & Rhythm Guitar, Leonard Canhasi – Solo Guitar, Suad Jamini – Bass Guitar dhe Visar Rexha – Drums. Përveç instrumenteve standarde rock, ata gjithashtu përdorin instrumentet orientale që janë gjetur në muzikën tradicionale shqiptare, të tilla si tupan, kavall dhe zurna. Tekstet e këngëve përgjithësisht janë të shkruara në dialektin gegë, që flitet në Kosovë, Maqedoni dhe Shqipërinë Veriore, e përdorur edhe shumë shpesh në poezitë epike shqiptare. Këngët e Jericho-s janë të njohura kryesisht në mesin e të rinjve shqiptarë që jetojnë në Ballkan, por janë transmetuar edhe në stacionet e ndryshme të pavarura dhe Radio alternative në të gjithë vendet ish-jugosllave.
Në vitin 1998, Jericho publikojnë albumin “Jericho Walls Ep”. Në vitin 2002, publikojnë albumin “Perendim A Lindje?”. Në Qershor 2003, ata marrin pjesë në VFM 2003 me këngën “Zgjohu”. Dy vite më vonë Jericho marrin pjesë në VFM 2005 me këngën “Tomlin E Nanes”. Në Maj 2010, Jericho marrin pjesë në Top Fest 7 me këngën “Shkaba”. Pas një viti ata publikojnë videoklipin “Kanga Jonë”. Me këtë këngë, Jericho marrin pjesë në Netët e Klipit Shqiptar 11 në vitin 2012.
Më datë 22 Nëntor 2012, Jericho publikojnë videoklipin “Nentor i Ftohte”. Me këtë këngë, Jericho marrin pjesë në Netët E Klipit Shqiptar 12 në vitin 2013. Më datë 14 Qershor 2014, Jericho publikojnë videoklipin “Albanian Rhapsody”. Dy vite më pas sjellin videoklipin “Kanga e Ashikëve”. Muzika e këngës u punua nga Petrit Çarkaxhiu, teksti u shkrua nga Petrit Çarkaxhiu, ndërsa për orkestrimin u kujdes Jericho. Me këtë këngë, Jericho marrin pjesë në Zhurma Show 2016 në vitin 2016.
Më datë 21 Mars 2019, Jericho publikojnë videoklipin “Ëndërr e Prerë”. Muzikën e këngës e ka bërë vetë solisti Petrit Çarkaxhiu, orkestrimin Trimor Dhomi, ndërsa vargjet janë ngazndxvxzcxfitt poezia e Dritëro Agollit. Në videon e këngës mund ta shohim edhe aktorin prizrenas, Xhevdet Doda, i cili me paraqitjen fantastike i dha kuptim projektit muzikor. Në Maj 2019, Jericho marrin pjesë në Netët e Klipit Shqiptar me këngën “Kanga e Ashikëve”. Më datë 7 Maj 2022, Jericho publikojnë videoklipin “Në garë për Qeveri”. Muzika dhe teksti i këngës janë punuar nga Petrit Çarkaxhiu. Më datë 29 Qershor 2023, Jericho publikojnë videoklipin “Ali Pasha i Janinës”.
Olsi Bylyku është këngëtar dhe autor këngësh i njohur. Ka mbaruar shkollën e mesme tek gjimnazi “Qemal Stafa” dhe ka studiuar në degën Menaxhim-Biznes. Ai ka qenë një nga aktorët më të preferuar të humorit në Top Channel e më pas në TV Klan. Karriera e tij artistike ka nisur të ndërtohet jo vetem si aktor, por edhe si këngëtar sepse nga viti 2017, Olsi është kthyer edhe në një reper, mjaft i pëlqyer për tekstet plot humor, por ku trajton edhe tema të mprehta të aktualitetit.
Mario Dervishanji i njohur me emrin e tij të skenës Kiddmarioo, është një këngëtar, reper, tekstshkrues dhe kompozitor shqiptar. I vendosur së bashku me familjen e tij në lagjien nr. 13 në Durrës, Kiddmarioo nisi rrugëtimin si reper nëpër rrugicat e ndryshme të kësaj lagjje, ku dhe do të merrte dhe emrin e skenës, Kiddmarioo; rreth vitit 2018. Po në këtë vit Kiddmarioo do të jetë prezent në projekte të ndryshme me artistë internacional.
Nuk do të kalonte shumë dhe Kiddmarioo do të niste projektet për këngën e tij. Kënga e parë ishte një bashkëpunim qe titullohet “HISTORY”. Këngë e cila nuk u la pa vëmëndje nga publiku dhe mediat që merren kryesisht me muzikën. Viti 2023 do të jetë dhe viti kur Kiddmarioo do të prezantonte dhe dy këngët e tij më të reja: “Xhelozoni” dhe “13”. Kënga e tij më e fundit “13” i referohet jetës së lagjes 13 në Durrës, ku artisti jeton prej vitesh. Kiddmarioo ka filluar një karrierë në muzikë duke arritur që të njihet tashmë nga të rinjtë.
Raphael Ragucci apo siç njihet me emrin e tij të artit si Raf Camora, lindi në Vevey, Zvicër, nga një baba austriak nga Voralberg dhe një nënë italiane nga Napoli. Ragucci u vendos në Vjenë, Austri në 1997 dhe u rrit në Rudolfsheim-Fünfhaus. RAF Camora themeloi një grup hip hop me Polish Rapatoi. Në moshën 17-vjeçare, ai ishte në grupin French Connection dhe më vonë në Assaut Mystik që fliste frëngjisht. Ai themeloi me reperin Joshi Mizu grupin Balkan Express. Family Bizz ishte një album debutues i përbashkët me Assaut Mystik dhe Balkan Express. Në vitin 2006, ai publikoi EP-në e tij Skandal me Emirez. Në vitin 2009 ai publikoi albumin e tij solo Nächster Stopp Zukunft.
Në janar të vitit 2010, ai mori emrin skenik RAF 3.0, duke lënë pas emrin e tij të mëparshëm dhe nënshkroi me Irievibrations Records me bazë në Vjenë, me të cilën publikoi albumin e vetëtitulluar RAF 3.0 në 2012 dhe Hoch 2 në 2013. Të dyja ishin suksese të mëdha për të në listat austriake dhe zvicerane.
Duke iu rikthyer emrit të tij origjinal RAF Camora, në vitin 2013 ai themeloi kompaninë e tij diskografike Indipendenza. Albumet e tij Ghøst në 2016 dhe Anthrazit në 2017 ishin suksese të mëdha në listat gjermane, austriake dhe zvicerane. Ragucci publikoi albumin e tij të katërt në studio Ghøst në janar 2016. Albumi u publikua më 15 prill 2016 dhe debutoi në top-20 të Evropës gjermanishtfolëse. Ragucci publikoi një album të ri, Zenit më 1 nëntor 2019, që ka arritur kulmin në vendin e parë për dy javë në Ö3 Austria dhe Schweizer Hitparade, dhe për një javë në Offizielle Top 100.
