menu

Venera Lumani

#Bio

Venera Lumani ka lindur më 16 Qershor 1991 në fshatin Ladorisht të Strugës, ku dhe ka kryer mësimet fillore. Duke parë dëshirën e pasionin e madh për muzikën, prindërit e regjistrojnë Venerën që 5 vjeç në shkollë të muzikës, kështu që lidhja e saj me këngën është bërë e pandërprerë.

Ka ndjekur shkollën e mesme për Kanto në Tetovë dhe më pas studimet për muzikë në Fakultetin e Muzikës në Shkup. Nga instrumentet muzikore njeh pianon dhe kitarën. Pasionin për këtë të fundit e ka trashëguar nga babai i saj, i cili është kitarist i grupit “Shekulli i Dreqit”.

Ajo u bë e famshme falë pjesëmarrësjes së saj në sezonin e dytë të “The Voice Of Albania”, ku u shpall zëri më i mirë i shqiptarëve.

Venera, e cila momentalisht jeton në Tiranë, ka marrë pjesë në disa festivale të ndryshme muzikore në Shqipëri, ku në “Top Fest” ka fituar çmimin “Best Ballad”.