Gati 13 vite pas themelimit, grupi Offchestra vazhdon të jetë ‘on top’. Grupi muzikor vijon të jetë ndër më të preferuarit e publikut dhe që përherë dhurojnë super spektakël me daljet e tyre.
Offchestra kanë qenë të ftuar specialë në show-n e kaluar të emisionit të humorit “Portokalli”. E na lini t’ju themi që kanë dhuruar një super performancë për publikun në skenë dhe për teleshikuesit.
Ata sollën hitin “Dimëroj”, remixin e këngës origjinale të Ardit Gjebreas. Një performancë super elektrizuese e Offchestra në skenën e “Portokalli”, ashtu siç dhe e prisnim.
Energjia dhe performimi gjithmonë live ka bërë që ky grup të jetë shpesh i pranishëm në skenën muzikore. Offchestra ka tërhequr pas vetes shumë fansa të moshave të ndryshme dhe që do të vijojë të mbeten ndër më të dashurit për publikun.
