Gjithnjë e më shumë artistë të huaj po bëhen pjesë e “The Top List” nëpërmjet bashkëpunimeve të tyre me këngëtarët shqiptarë. Këtë javë, është pikërisht Baby Gang ai që debuton në Top Awards nëpëmjet projektit të tij me Noizy, “Danse”.
Baby Gang, pseudonimi i Zaccaria Mouhib, është një reper italian me origjinë marokene. Ai lindi në Lecco në vitin 2001. Në vitin 2018 ai publikoi “Street”, këngën e tij të parë.
Në vitin 2019 ai publikoi këngët “Fuck la Pula”, “Educazione” dhe “Cella 1”. Ai arriti sukses në vitin 2020 falë bashkëpunimit me 167 Gang në këngën “Baby Gang” dhe “Bimbi Soldato” me Sacky.
Pas një serie të gjatë këngësh, në vitin 2021 ai publikoi për herë të parë “EP1”, një projekt me 7 këngë me bashkëpunimet me Il Ghost, Omar, Neima Ezza, Rondodasosa dhe Escomar. “Delinquente”, do të ishte albumi i tij i parë zyrtar i publikuar për Warner Music Italy.
