Nëse dëgjuat emrin Lisi dhe ju erdhi një Déjà vu nga “Big Brother VIP”, mbase nuk jeni të vetmit. Por na lini t’ju themi që nuk ka lidhje me të, përkundrazi bëhet fjalë për artistin më të ri e të talentuar të tregut.
Lisi është emri më i ri që i bashkohet artistëve të “The Top List”. Ende në hapat e parë të karrierës, ky reper premton shumë…
Lisi ka lindur dhe është rritur në Gjermani, pranë qytetit të Stuttgart. Prejardhjen e ka nga Deçani. Muzikën e ka pasion që kur ishte i vogël, teksa që në moshën 6 apo 7-vjeçare ka filluar rë këndojë, edhe pse jo në mënyrë profesionale.
Kënga e tij e parë ka qenë “Rooftopp”, e cila ka ardhur në fillim gë vitit 2024. Pas kësaj pasuan projektet “Kce kce”, “Panorama”, e se fundmi bashkëpunimi me reperin e njohur Lumi B, që mban titullin “Boy”. Lisi po ashtu ka edhe shumë këngë dhe bashkëpunime te reja që pritet t’i punojë në studion e SBS Entertaiment.
