Kemi një parandjenjë se 2025 mund të jetë viti i Hip-Hop dhe rap. Të shumta kanë qenë projektet e tilla që kanë hyrë në klasifikimin e “The Top List” që nga fillimi i këtij viti.
Një prej tyre vjen edhe këtë javë. Dhe jo një dosido madje, por një bashkëpunim shumë i goditur, duhet theksuar.
Një bashkëpunim i fuqishëm që përzien ritme moderne me lirika të thella dhe të menduara vjen midis Kidda, Mc Kresha dhe Lyrical Son. “Si je” trajton emocionet dhe situatat e jetës së përditshme, duke ruajtur stilin unik të secilit artist.
Kënga është një miks perfekt mes introspeksionit dhe energjisë pozitive. Ky është bashkëpunimi i parë që Kidda sjell me dyshen e ‘specave’, por i dyti me Mc Kresha, pas “Deri Sabah”.
“Si je” padyshim që pritet të ketë një sukses të madh, duke u nisur nga këta tre artistë kaq të pëlqyer e të talentuar. Ky bashkëpunim mbyll Top 100 këtë javë dhe mbetet të presim si do të jetë ecuria në vazhdim.
