Vetëm disa muaj më parë, Gjiko publikoi albumin e tij “Energjiko”, i cili rezultoi tepër i pëlqyer por reperi i njohur së fundmi është shndërruar në sensacionin e rrjeteve sociale falë projektit më të ri muzikor.

I titulluar “Si Bugatti”, Gjiko për këtë prurje të re ka bashkëpunuar me Skerdin, duke sjellë këngën që padiskutim çmendi publikun këtë verë.

Në fakt përveç muzikës, tekstit, videos apo Bugattit ka qënë pikërisht kërcimi i Gjikos, ai që ka tërhequr më shumë vëmendjen e fansave.

Harrojeni “Kiki”, “Si Bugatti” është kërcimi që një pjesë e madhe e publikut shqiptar nisi të bënte lëvizjet. Madje ky kërcim ka qënë i pranishëm edhe në dasmën e vetë artsitit, i cili kurorëzoi dashurinë e tij vetëm pak ditë më parë me bukuroshen Elita Rudi. Në videot e shpërndara në rrjetet sociale shihet teksa nusja dhe dhëndri bëjnë këtë kërcim sfidues në dasmën e tyre, duke shktatuar edhe të qeshura tek të pranishmit.

Ndërkohë që ka 7 javë që është publikuar, “Si Bugatti” ka mundur të futet në zonën e 5 këngëve më të nxehta të listës këtë javë, duke u renditur ekzaktësisht në vendin e 4-t.

Se cili do të jetë pozicionimi i kësaj kënge javën e ardhshme, kjo mbetet për t’u parë mesditën e ditës së dielë në ekranin e “Top Channel” dhe sigurisht pa harruar profilet zyrtare të “Top Awards” në rrjetet sociale.