Duket se këtë sezon Dafina ka ‘hequr dorë’ nga këngët ritmike dhe po publikon vetëm projekte që i dedikohen dashurisë. Së fundmi Dafina ka publikuar këngën e saj më të re, e cila është një bashkëpunim me Brunon dhe Klajdi Harunin me titull “Xhane Xhane”.

Kënga është bë mjaft virale në rrjet pasi shumë njerëz e kanë krahasuar videoklipin e këngës së tyre me atë të “Hymn For The Weekend” nga Coldplay dhe Beyoncé. “Xhane Xhane” ka hyrë këtë javë në klasifikimin e “The Top List” nëpërmjet votave të shumta të publikut.

Askush nuk e priste një bashkëpunim të tillë mes këtyre tre artistëve kaq të pëlqeyer dhe më në zë të momentit. “Xhane Xhane” padyshim nuk zhgënjeu aspak publikun që e pëlqeu këtë projekt që në çastet e para të publikimit.

Një këngë e tillë nga këta artistë, ishte thjesht çështje kohe që të kthehej ndër më të preferuarat e momentit. Dafina, Bruno dhe Klajdi, renditen në vend të gjashtë të listës për këtë javë.