menu

Ronela Hajati

#Bio

Ronela Hajati ka lindur më 2 Shtator 1989 në Tiranë. Dalja e saj e parë në televizion shënon në moshën 4-vjeçare në emisione fëmijësh. Që e vogël ka studiuar piano dhe balet, pjesëmarrëse në shumë festivale fëmijësh, duke përmendur çmimin e parë në Tetovë, Maqedoni në Festivalin e vitit.

Më pas në moshën 12-vjeçare ka qënë e pranishme në spektaklin “Kerkohet nje yll”, duke vijuar 6 muaj më vonë si një konkurrente e talent shoë-t “Ethet e se premtes mbrema” dhe arriti të kualifikohej deri në 30 këngëtaret më të mirë, ndonëse ende një fëmije.

Më pas konkurrente në “Poleposition”, Top Channel duke arritur deri në finale. Në moshën 16-vjeçare, pjesëmarrëse në “Star Academy 1” Tv Klan, vlerësohet me çmimin “Best Performance” pas 6 muajsh sfida të fituara. Viti 2006 do të shënonte këngën e saj të parë, në një duet me Orgesa Zaimin në festivalin “Kenga Magjike”, ku arritën të vlerësoheshin me çmimin “Tendence” me këngën e tyre “Requiem”.

Në vitin 2007 realizon këngën e parë “solo” “Me ty nuk shkoj” me kompozim të Flori Mumajesit. Në vitin 2009 paraqitet në “Top Fest 6” me këngën “Shume nice” të Stines, duke arritur deri në finale si dhe me kandidaturën në “Best R’n’B”. Ronela vazhdon suksesshëm karrierën e saj, duke publikuar herë pas herë këngë të cilat shndërrohet menjëherë në këngët më të dëgjuara të momentit.