Vanesa Sono është bërë pjesë e pandashme e klasifikimit të 100 këngëve më të mira moderne shqiptare, të “The Top List”. Këtë javë ajo vjen në listë me projektin e saj më të ri muzikor.
“Polaroid” mban titullin kënga e fundit nga Vanesa, e cila e ka renditur atë në vend të 20-të aktualisht. Edhe tek ky projekt, artistja i ka qëndruar besnike stilit të saj që e karakterizon kaq bukur.
“Polaroid” nga Vanesa Sono është një këngë që shkëlqen për atmosferën nostalgjike që krijon. Kënga flet për kujtimet e dashurisë dhe momentet e jetuara, të cilat kapen si imazhe në një polaroid.
Zëri i Vanesës dhe prodhimi muzikor i veçantë krijojnë një ambient të ngrohtë dhe emocional, që e bën këngën tërheqëse për ata që duan të përjetojnë momente të bukura të jetës. “Polaroid” nga Vanesa Sono nuk na ka zhgënjyer edhe këtë herë.
