Buci është një ndër emrat më të rinj që i bashkohet Top Awards. Ai vjen për herë të parë në listë me një bashkëpunim me Besa Kokëdhimën, që mban titullin “Përgjithmonë”.
Një këngë që sjell një mesazh dashurie dhe dhimbjeje, me një atmosferë të veçantë dhe të ngrohtë. “Përgjithmonë” është një bashkëpunim muzikor që ka tërhequr shumë vëmendjen dhe është bërë një hit i preferuar nga shumë adhurues të dyshes.
Buci, një prej reperëve më të talentuar në skenën shqiptare, ka një stil të veçantë që bashkon rapin me meloditë e dashurisë dhe emocionet e thella. Besa nga ana tjetër, është një këngëtare që ka një zë të fuqishëm dhe emocional, i cili përputhet shumë mirë me tematikën e këngës.
“Përgjithmonë” e sjell Bucin për herë të parë në mesin e artistëve të Top Awards. Le të njihemi pak më shumë me të…
Buci është një artist dhe krijues muzikor nga Prishtina, i njohur për stilin e tij të veçantë që përzien zhanrin Dancehall Sad me elemente të melodisë dhe narrativës personale. Me zë të dallueshëm dhe tekst të thellë emocional, ai ka krijuar një identitet artistik autentik që rezonon me një audiencë të gjerë.
Hiti i tij “Jom Merzit” në bashkëpunim me artisten Bay T ka shënuar sukses të jashtëzakonshëm, me: 70,000 mije video në TikTok, 9.5 milionë streams në Spotify, dhe mbi 22 milionë shikime në YouTube. Gjithashtu Buci njihet dhe me këngën “Afër Malit afër Detit”, që ka pasur një sukses shumë të madh.
