Albora është një emër i ri që i bashkohet klsifikimit të kësaj jave në “The Top List”, Top Awards, por një artiste shumë e talentuar. Ajo ka publikuar këngën e saj “Hala” që e ka renditur atë në vend të 47-të. Le të njihemi pak më shumë me të.
Albora Stafuka ka lindur në Fushë-Krujë më 24 Mars 1994. Ajo është 28 vjeçe dhe është shenja e Dashit në horoskop. Albora është e martuar dhe është nënë e një djali të vogël. Prej vitesh ajo jeton në Venecia, Itali. Pasioni i saj për muzikën ka nisur të paktën që kur ajo ishte ende 4 vjeçe. Në vitin 2017 Albora ka marrë pjesë në “X Factor Italia”, ku kaloi vetëm fazën e parë sepse iu desh ta ndërpriste për shkak të një operacioni në hundë.
Karriera e saj muzikore ka filluar në vitin 2019, në moshën 25-vjeçare, kur publikoi këngën e saj të parë. Megjithatë, ajo u bë më e njohur për publikun nga kënga e dytë në bashkëpunim me Stresin. Në repertorin e Alborës ka 5 këngë, ku e fundit është “HALA”, që bëri që ajo të ishte pjesë e artistëve të Top Awards.
