“Bulza Entertainment” është shndërruar në një burim talentesh dhe këtë javë radha është e Kristinës, e cila sapo ka bërë debutimin e saj muzikor me këngën “Pa ty”.

Sugjerimet e publikut e kanë bërë këtë projekt muzikor menjëherë pjesë të klasifikimit, që në javën e parë të publikimit.

Po kush është Kristina?

Kristina Lufo ka nisur pasionin e saj për muzikën, fillimisht duke kënduar covera të ndryshëm derisa më në fund arriti të realizonte projektin e saj të parë profesional.

Ndërkohë që studion për Regji Filmi në vitin e dytë, muzika për Kristinën është mjaft e rëndësishme.

Kristina ka rrëfyer për “Top Awards” se bashkëpunimi me “Bulza Entertainment” ka lindur pasi Bojken Lako e ka kontaktuar dhe si përfundim kanë sjellë një projekt mjaft të pëlqyer për publikun shqiptar.