Luiz Ejlli rikthehet sërish në krye të “The Top List”. Artisti ka arritur që të rrëmbejë vendin e parë këtë javë me projektin e tij më të fundit, “Më fal”.
Kënga është prej dy javësh pjesë e klasifikimit të “The Top List” dhe këtë herë është rritur me 12 pozicione. “Më fal” ka marrë të gjithë dashurinë e fansave që në momentin e parë të publikimit.
Ajo që është vlerësuar më shumë prej publikut, është fakti se Luizi i është rikthyer zhanrit që i shkon më së miri, baladave. E në fakt, “Më fal”, arrit që të depërtojë tek të gjithë dëgjuesit, duke gjetur një copëz nga vetja.
Teksti është shkruar nga Fifi, që kuptohet edhe nga fjalët e ndjera. Kjo baladë kaq romantike do të mbahet mend gjatë si ndër projektet më të përzemërta nga Luiz Ejlli.
