Ledri Vula është një nga reperët më të njohur të showbiz-it tonë dhe padyshim prej vitesh ndër më të pëlqyerit nga ndjekësit. Ai thuajse kurrë nuk ka ndaluar së sjellur muzikë të mirë për ndjekësit e tij.
E së fundmi duket se ka vendosur të na surprizojë me një projekt të ri. Kënga e tij më e re titullohet “Lockdown”, e cila është bërë pjesë e “The Top List” këtë javë.
“Lockdown” flet për gjendjen e një të riu të dashuruar, gjatë kohës së mbylljes, si pasojë e pandemisë së COVID-19. Kënga është finalizuar gjithashtu me videoklip, ku reperi shihet duke qëndruar gjatë pothuajse gjithë kohës në një dhomë brenda shtëpisë.
Ky projekt është pritur mjaft mirë nga fansat e tij, të cilët e kanë votuar atë dhe e kanë renditur atë në vend të pestë të klasifikimit për këtë javë. Një pozicionim goxha i mirë për një hyrje të re, aq më tepër kur bëhet fjalë për Ledri Vulën, që çdo këngë e tij kthehet në hit.
